សេចក្តីជូនដំណឹង ស្តីពីការសម្រេចរបស់រាជរដ្ឋាភិបាល ក្នុងការផ្អាកជាបណ្តោះអាសន្ន នូវការនាំចេញស្រូវ និងអង្ករស ទៅក្រៅប្រទេស
នៅថ្ងៃទី ៣០ ខែមីនា រាជរដ្ឋាភិបាលកម្ពុជាបានធ្វើការសម្រេចចិត្តក្នុងសន្និសីទសារព័ត៏មានមួយ ដែលធ្វើឡើងនៅវិមានរដ្ឋសភាដើម្បីធានាដល់សន្តិសុខស្បៀង ក៏ដូចជាស្ថិរភាពតម្លៃស្រូវអង្ករនៅលើទីផ្សារ។ យោងតាមសេចក្តីសំរេចនេះ ក្រសួងពាណិជ្ជកម្មមានកិត្តិយសសូមជូនដំណឹងដល់សហព័ន្ធស្រូវអង្ករកម្ពុជា និងសាធារណជនឲ្យបានដឹងថា រដ្ឋាភិបាលបានផ្អាកជាបណ្តោះអាសន្ននូវការនាំចេញស្រូវ និងអង្ករស ហើយការសម្រេចនេះនឹងចូលជាធរមានចាប់ពីថ្ងៃទី ៥ ខែមេសាឆ្នាំ ២០២០ វេលាម៉ោង ២៣ : ៥៩ នាទី រហូតដល់មានការជូនដំណឹងជាថ្មី។
ក្រសួងពាណិជ្ជកម្ម
